الفنـــــان أحلا دليل

اخى الزائر أختى الزائرة : إذا كنت تبحث عن منتدى يحتوى على كل ماهو جديد وقديم
اسلاميات - برامج - انترنت - افلام عربية واجنبية وكارتون وترجمات الافلام - فيديو - صور - الأسرة - الموبايل - الرياضة والمصارعة - تعليم - الألعاب
فقد وجدت هدفك , سجل وتفضل بالدخول ولن تندم على انضمامك لأسرتنا
ومرحبا بك
الفنـــــان أحلا دليل

    عشر طرق عشان تعكنن على مراتك

    شاطر
    avatar
    أدهم
    مشرف منتدى الفنان العام
    مشرف منتدى الفنان العام

    عدد المساهمات : 202
    تاريخ التسجيل : 08/10/2009
    العمر : 27

    عشر طرق عشان تعكنن على مراتك

    مُساهمة من طرف أدهم في الثلاثاء أكتوبر 20, 2009 7:32 am

    عشر طرق عشان تعكنن على مراتك
    1-
    اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة
    طبعا يُراعى ترك آثار سمنة على الارض مع ترك التلاجة مفتوحة وقشر البيض فى الحوض

    *******
    2-
    اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله
    ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب
    ملاحظة : اغلب النساء ذوو ثقافة كروية ضعيفة

    *******
    3-
    الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى

    *******
    4-
    فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

    *******
    5-
    لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها

    *******
    6-
    ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده

    *******
    7-
    لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك

    *******
    8-
    لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

    *******
    9-
    لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟

    *******
    10-
    وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني


    Laughing Laughing Laughing Laughing Laughing Laughing Laughing Laughing Laughing Laughing
    avatar
    elfnan
    المدير العام

    المدير العام

    عدد المساهمات : 443
    تاريخ التسجيل : 07/10/2009

    رد: عشر طرق عشان تعكنن على مراتك

    مُساهمة من طرف elfnan في الخميس أكتوبر 22, 2009 3:57 pm

    هههههههههههههههه
    ههههههههههههههه

    دا ايه الندالة الشديدة دى

    طبعا مش كل الرجالة غاوية تعكنن على مرتاتها

    لأن اللى بيحصل

    ان مرتاتهم هما اللى بيعننوا عليهم

    ويظهر اللى فكر فى الطرق دى

    مغلوب على امره خالص

    الله يعينه

    ههههههههههههههه

    حلوين خالص وتسلم ايديك

    على طرحك الظريف والجميل





    كــن كالنجـم الــذى يقـضى عـمــره كـله مـن أجـل بث الـنـور للجمـيـع
    دون أن يـنـتـظــرمـن أحــد ان يرفـع رأسه ويـقول .. شـكــراَ
    avatar
    لمسة هنا
    مراقبة عامة

    مراقبة عامة

    عدد المساهمات : 362
    تاريخ التسجيل : 08/10/2009

    رد: عشر طرق عشان تعكنن على مراتك

    مُساهمة من طرف لمسة هنا في الإثنين نوفمبر 23, 2009 6:00 am


    براااااااااااااااااااااااافو
    هو ده اصل الرجالة
    مع احترامي لجميع الرجالة في
    هذا المنتدي وخارجه

    ههههههههههههههههههههههه
    شكرا علي هذا الموضوع الجميل

      الوقت/التاريخ الآن هو الأربعاء يناير 16, 2019 12:13 pm